Friday, February 7, 2025
29.8 C
Port-Vila
Friday, February 7, 2025
More
    Friday, February 7, 2025

    Air Vanuatu i mas pem aot aotstanding lease fastaem.

    “Yu no save ronwe long debt blong yu afta yu ko deposit from wan niu plen.” Minister Salong.

    Wan long olgeta Shareholder blong Air Vanuatu, Minister blong Finance I talem se Gavman I helpem Air Vanuatu wetem ol aotstanding paymen blong Lease blong ol Aircraft olsem ATR 72.

    Nomata weh hemi no saveh konfirmem amaon blong 1.2 billion Vatu we Deputy Praem Minista hemi anaonsem long Tuesday long Forum blong Praevet Sekta, Minista John Salong I talem se ova 600 Million Vatu, Gavman I iusim blong pem outstanding Lease blong Aircraft ATR 72.

    “Igat Lease arrears we istap, nomali yumi pem iko long reserve blong repairs. Lis arrears oli priority we istap and not only ATR but also Boeing,” Minista Salong I talem.

    Hemi gohed blong talem se: “desisen hemi made by kaonsel of Ministas from presa ikam long olgeta we yumi pem lease long olgeta,”

    Minista Salong i talem se aot long 2 billion Vatu ia Kavman i karem around 650 million vatu from pepes ia.

    “Bae yumi pem ATR erias long saed blong Lease mo repairs resev fund. I no gat wan mismanagemen, ino gat wan mis alokesen, ino gat wan misappropriesen”

    Hemi gohed blong talem se taem blong deposit from niufala plane bae Vanuatu hemi pem lease bagegen iko long sem pipol.

    “Taem yumi pem arrears wetem olgeta, yumi bildim confidens wetem olgeta afta yumi save tokabaot wan potential niu negosiesen blong wan niu plane. Yu no save ronwe long olgeta debt blong yu afta yu go putum deposit blong wan niu plen,” Hon. Salong I talem.

    Video series

    spot_img

    Must Read

    • https://radio.vbtc.vu/radiovanuatu
    • Radio Vanuatu
    • Radio Stations
    • https://radio.vbtc.vu/paradisefm
    • Paradise FM
    • Radio Stations
    • https://radio.vbtc.vu/femmefm
    • Femme Pawa
    • Radio Stations