Majoriti long ol Air Vanuatu domestik flaet bae i opereit nomol long nekis wik.
Dillions Bay(Erromango), Aniwa, Futuna, Tanna, Aneityum, Port Vila(Efate), Lamen Bay(Epi), Norsup mo Saot West Bay long Malekula, Ulei(Ambrym), Longana(Ambae) Sara mo Lonorore(Pentecost), Santo, Gaua, Motalava, Sola(Vanualava) mo Torres Islands airport bae ol flaet i opereit bakegen long Monday.
Ol airport long Ipota(Erromango), Lamap (Malekula), Craigcove(Ambrym), Paama, Maewo mo Ambae oli klos yet folem meintenens wok wetem asesmen we Civil Aviation Authority Vanuatu bae i wok long hem long nekis wik. Tu nara aiport long Shefa Provins we i temporari klos hemi long Emae mo Valesdir from operational review.
Air Vanuatu i talem se bae hemi apdeit taem Civil Aviation Authority Vanuatu i givim grin laet blong ol airport ia oli save yusum mo talem tankiu long patience blong evriwan folem rikavari blong Saeklon Judy mo Kevin.
