Wol Meteorological Organization (WMO) i rikodem se tempreja long yia 2024 hemi go antap long 1.55 degrees Celsius, we hemi bitim normal tempreja blong wol.
Long Vanuatu, Prinsipol Scientific Ofisa long Climate Division Unit anda long Vanuatu Meteorology mo Geo-Hazards Dipartmen (VMGD), Glenda Pakoa, i talem se oli rikodem ol hae tempreja long manis ya, Januari.
“Long data blong Januari hemi showem seh umi experiencem ol hot days, wetem plante dei i go above 38 degrees Celsius. Hottest dei yumi experiencem hemi long Monday 20th, we hemi kasem 34 dikri selsies. Hemia nao e mekem ples i hot tumas,” hem i talem.
Naet tempreja blong manis ya tu igo antap long 24 dikri selsies. Hemia hemi nomol dei tempreja blong Vanuatu.
Pakoa i explenem se wind direction hemi wan bigfala factor long hot weta ya. “Taem yumi rikodem northerly winds, hemi karem hot antap long equator i kam down long yumi. Be taem yumi kasem east southerly winds, yumi luk ples i kolkol smol. Long season ya, plante northerly winds nomo oli stap kam.”
Hemi pointemaot se since Vanuatu i stap long saeklon sisen blong hem yet, hemi normal blong pipol i experiencem hot weta long ol manis we i stap kam.
WMO i rikodem 2015 kasem 2024 olsem ol top ten hot yia long histri.
Climate Divisen Unit i talem se bai hemi gohed blong monitorem tempreja blong Vanuatu.