Damaging gale fos wind blong 63 kilomita/haoa i expek blong afektem ol provins blong Torba, Penama, Sanma mo Malampa tete long naet.
Red Alert i stap long Torba, Sanma mo Penama.
Yellow alert i stap long Malampa Provins mo Blue alert long Shefa mo Tafea Provins.
Long 5pm tete, Tropikol Saeklon Judy Category 1 hemi locate long 12.3 degri saot 169.1 degri East. Tropical Saeklon Judy position long Top raet kona blong Square leta J, Namba 3 long Vanuatu Tropical Saeklon Tracking Map.
Weta Ofis i talem se maximum wind i stap kolosap long senta i estimeit long 75/haoa(35 knots). Hemia hemi 240 kilomita not east blong Vanualava mo 335 not not east blong Maewo. Long past 3 haoa, Tropikol Saeklon Judy i stap muv long wan west direksen long wan spid blong 24 haoa.
Vanuatu Meteo Ofis i stap monitarem saeklon ia mo bae hemi apdeit.
