United Liberation Movement blong West Papua oli talem se bambae oli givim wan petisen iko long Vanuatu Kavman long isu we West Papua hemi stap fesem wetem Indonesia.
President blong West Papua, Benny Wenda hemi tokbaot se abuse blong Human Raet mo ol killing oli stap ko hed yet long West Papua mo olgeta neighbouring kauntri oli mas save wanem nao West Papua i stap ko tru long lem.
“West Papua is a part of Melanesia – West Papua is linguistically and geographically Melanesian,” hemi talem.
President Wenda hemi tok strong se United Nation i mas visitim West Papua blong luk ol rapis fasin we olgeta long Indonesia i stap mekem long ol pipol blong West Papua.
“We want the Melanesian leader to stand with West Papua so that West Papua and its members can address the root cause,” hemi talem.
Hemi tok moa se ol Lida long Melanesian Spearhead Group oli mas luk save krae blong West Papua blong putum West papua hemi full memba blong MSG.
Hemi talem se folem wei ia bai isu ia hemi save end mo West Papua bai karem bak independence blong hem.
Olgeta pipol we oli kam blong lisen tudei long konfrens miting long Epauto multi-purpose hall hemi ol student, ol mama mo ol papa wetem sam jifs mo oli showem sapot se bae oli stanap behaen long petisen ia iko long gavman.
