West Gaua i kat intanet koneksen blong fastaem long 3 link kampani long wik ia.
Area Administrator long West Gaua, Luke Richard i talem long wan interview se oli glad tumas from bae i helpem olgeta long ol wok blong West Gaua eria kaonsel.
Mr Richard i talem se oli fesem fulap jalenj long netwok blong save komuniket long ol pas yia.
“Taem oli bin putum mi blong lukaotem eria daon long West Gaua, mi fesem fulap problem blong mekem ol wok blong mi olsem wan administrator, be me glad tumas from 3 link Company save luk save nid blong ol pipol long West Gaua,” Mr Richard i talem.
Hemi talm tu se hemi happi tumas blong oli saveh gat intanet koneksen tru long 3 link kampani weh oli ko setemap long West Gaua eria kansel.
System we 3 link communication i putum i mekem wan bigfala jalenj long West Gaua eria kaonsel.
Pipol oli gat akses long intanet, mo i helpem tu ol wok man weh oli live long we blong gat akses long intanet blong mekem wok blong olgeta.
Mr Richard i talem tu se intanet koneksen ya e sevem tu mani blong fuel blong out kasm east.
Seves weh 3 link i provaedem i helpem bigwan ol pipol blong West Gaua.
Olgeta pipol we oli liv long West Gaua oli hapi tumas blong save gat akses long intanet.
-Roslyn Aru, trainee journalist
