Saturday, July 13, 2024
24.8 C
Port-Vila
Saturday, July 13, 2024
More

    Welfare isu blong adres-Australia

    Australia bai i lukluk long wok welfare isu blong ol Ni-Vanuatu Seasonal woka.

    Hemi diskasen we i kamaot long miting blong Prime Minista, Ishmael Kalsakau mo Prime Minista blong Australia, Anthony Albanese long February ia.

    Prime Minista Kalsakau i talem se i kat 10,000 Ni-Vanuatu woka we oli stap wok long Australia naoia.

    “Mi bin tokbaot long Prime Minista blong Australia blong helpem ol Ni-Vanuatu Seasonal woka longwe we i kat wan toktok we i stap kamaot se oli abscond mbe mi letem hemi save se oli no minim blong stap mekem ol fasin olsem ia mbe taem oli mekem fasin ia hemi from bak blong olgeta i fas long wol mo oli disaed blong lukluk long hem,” Prime Minista Kalsakau i talemaot.

    “Hemia blong strengthenem ol institution blong olgeta blong bambae oli jekem ol employer se oli tritim gud ol woka blong Vanuatu taem oli stap longwe(Australia).”

    Prime Minister Albanese i seh olgeta woka ia oli kontribut bigwan long economy blong Australia.

    “Hmei preisem bigwan kontribusen blong ol Vanuatu woka long economic mo komuniti blong Australia; Social koneksen we i mekem ol pipol mo smile blong yumi wetem frenship we i konek wetem ol pipol blong Australia i mekem se oli glas tumas long hem,” Prime Minista Kalsakau i talemaot.

    United Workers Union National Coordinator, Geroge Robertson i kolem ol Seasonal woka blong joinem union bifo oli travel i ko Australia blong helpem olgeta long ol welfare isu.

    Long las wik, tim blong United Workers Union long Australia i mit wetem Vanuatu Workers Union long Port Vila.

    Prime Minista Kalsakau i talem se developmen ia bambae hemi mekem komuniti blong Australia mo Vanuatu i kam moa strong.

     

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen