Komisina blong Labour, Murielle Metsan Meltenova, italem seh ol sisonol woka oli mas spendem mani long wan wei weh bai hemi benefitim olgeta longfala taem.

Wan woksop hemi stap kohed naoia long Port Vila blong serem tingting blong finem aot hao wan woka we i kambak hemi save developem welfea blong hem mo famili.

Long Port Vila tete, Minister blong Internal Affair, Hon Andrew Napuat, wetem DG Leith Veremaito, oli mit wetem Labour komisina blong openem wan re-intigresen strategi woksop weh istap kohed long wik ia.

Hemi wan reginol even weh ol participen blong pacific oli kam wetem aim blong developem re-integresen strategi blong Vanuatu’s Labour Mobiliti.

Long opening spij, Hon Adrew Napuat iseh prokram ia hemi help long plante wei olsem, ol sisonol woka oli gainem niu skils, earnem income blong sapotem individual mo to remittance weh ol woka oli karem ikam long Vanuatu.

Hon Andrew Napuat iseh bai workshop blong week ia bai hemi wan goodfala tool blong guidem ol worker ia.

Komisina blong Labour i se Vanuatu hemi stap tekem lid ia vins blong sapotem ol sisonol woka blong spendem mani waes.

Hemi seh ol sisonol woka oli mas tingbaot seh bai oli no stap long ptokram ia blong fultaem, mo oli mas spendem mani long wan wei weh bai benefitim olgeta long fuija.

Nissara Spence, long International Organization for Migration long Vanuatu, i seh olgeta stanap oltaem blong sapotem Labout Depatmen long developmen blong Labour Mobiliti.

Long semak developmen ia, Labour Departmen ibin stap work finis wetem V-LAP blong trainem ol sisonol worka blong statem bisnis long mani weh oli gainem.

Mo long woksop blong tedei hemi tekem ol pacific patna blong serem ol nara weis blong helpem re-integreisen strategi blong Vanuatu weh isave benefitim ol sisonol woka taem oli kambak long Vanuatu.