Walfare officer long Department blong labour, Sonny Kalman hemi kam in long Studio long Radio Vanuatu blong tokbaot wakbaot weh hemi bin mekem igo long Ostralia.

Hemi bin mit wetem ol kaontri liaison officer weh stap long Ostralia mo ol wokman mo harem ol isu weh oli stap fecem.

Ol isu olsem rapis behavia, consum tumas alkol, isu blong ol kapol mo nara mo.

Wan kola weh hemi pat long diskasen blong tedei hemi kol long layba blong mas lukluk gud ol wokman fastaem befo sendm olgeta iko long sisenol wok.

Kola ia hemi highlightem tu famli isu weh istap kam long prokram ia mo kol blong leyba hemi luk luk long isu ia seriesli.

David Patunvanu hemi talem seh oli stap kasem repot tu lo sam rapis behavia weh sam sisenol woka long Ostralia oli stap mekem.

Beh Vanuatu hemi tekem one step ia nao blong putum kaontri liaison ofisa long Ostralia weh oli stap blong answerem ol wari blong ol wokman taem oli stap long prokram.

Sonny Kalman hemi kol long ol wokman blong mekem gudd use long prokram ia from hemi benefitim indivdual mo tu economi tru long ol remitiens.

Long Ostralia namba blong ol wokman blong Vanuatu hemi ova long 6,000.

Hemi seken long ol wokman blong Fiji weh stap long Ostralia.