Vanuatu Tijas Union i kol blong Tijing Seves Comisen (TSC) blo i revokem cirkula weh i bin putumaot
Cirkula ia weh TSC i putumaot long namba 6 manis ia i askem blong ol tija oli kontinu long ol duti blong olgeta nomata seh undateking variesen proses i lapse tedei namba 8 Okis.
Tumoro namba 9 bae 60 deis diskontinues oda weh Minista blong intenal affeas i bin putumaot bae i lapse tu.
Sekretari General blong Vanuatu Tijas Uniob (VTU), Jonathan Yonah i talem long VBTC nius seh cirkula weh TSC i putum i kam olsem wan fom blong tred mo Manipulasen long ol tijas mo defeatem whole purpose blong undertaking agreement weh oli bin signem.
“Hemi wan Joint leta weh i karem tugeta leta hed blong Tijing seves komisen mo Ministri blong Edukesen blong i kivimaot sam tingting weh Vanuatu Tijas Union i luk olsem wan tret mo hemi pat blong manipulesen blong ol memba tijas blong oli no pat long eni industrial aksen”, SG Yonah i talem.
I kat wan nara meeting weh Depatemen blong labour i singoutem trifala pati weh hemi TSC, MoET mo VTU long tedei aftenun long 3pm.
Hemia blong kivim janis long TSC blong i explenem cirula weh i putumaot.
SG Yonah i talem seh no mata long kol ia bae VTU i no attendem eni mo miting mo no involv tu blong singem wan Collective Bargaining Akrimen (CBA) antil TSC i rovokem Circular leta weh i putumaot.
