Ol pipol we oli lukaotem ol dog long Municipal eria long Port Vila i mas pem dog permit blong VT 3000 bifo April.
Ofisa long Animal Seksen long Port Vila Municipal Council, Michal Motoutorua, i talem se wan dog owna i save faen long wan mani bitwin VT23,000 kasem VT100,000 sapos hemi no pem dog permit.
Port Vila Municipal Council i stap mekem wan survey naoia blong faenem amas pipol i fidim mo lukaotem dog long faev wod long Port Vila.
Mr Motoutorua, i talem se survey i en long Central wod wetem rikod blong 292 dog.
Hemi talem se survey bae i ko hed long ol nara fo wod long Port Vila.
“Long central wod nomo minicipal bambae hemi save kolektem araon VT480,000 long dog permit,” Mr Motoutorua i talem.
“Permit fi hemi VT3,000 we hemi inkludum Value Added Tax (VAT). January kasem March hemi taem blong dog owna oli pem fi, sapos dog owna hemi feil blong pem long tri manis period ia bae i i mas pem faen.
“Minicipal bambae emi pas long April blong tekem view blong ol owna mo askem kwesten from wanem ol dog owna i no pem.”
Mr Motoutorua emi talem se plante long ol dog owna oli stap komplen long fi blong dog permit we hemi wan jalenj long olgeta blong kolektem fi.
Ol wod we minicipal i lukaotem hemi Central, Freswota, Tasiriki, Anamburu, Melkovi mo Northern.
