Monday, July 15, 2024
29.8 C
Port-Vila
Monday, July 15, 2024
More

    Vinmavis vilij i gat wari long saed wan shortej blong kakae

    Vinmavis vilij, long west Malekula, oli stap long wan shortej blong kakae mo oli askem disasta ofis blong oli save givhan quik taem.

    Wan memba blong vilij ia, Seth Simeon i talem long VBTC se ol mein krop blong vilij blong oli i bin damej from Tropikol Saeklon Lola.

    “Evri karen kakae blong mifala olsem banana we mifala i fit long hem, evriwan i stap long graon, oli folfol daon,” Mr Simeon i talem.

    “Ol pipol tu oli faenem se hemi difficult, long tumoro bae i ko bae mifala i faenem se bae hemi had blong faenem kakae, espesili mifala we i stap feed long banana.

    “Saeklon hemi kam long wan season we hemi blong planting, long eria blong mifala, mifala stap depen plante long yam, be yam I stap long graon finis, mo bae i just harvest long April, June, July i ko.”

    Vinmavis vilij long Malekula. Foto: Seth Simeon

    Mr Simeon i talem se oli mas karem wan quik repsons long NDMO from olgeta problem we oli stap fesem.

    “Mifala i kol i ko long NDMO mo Vanuatu Gavman, blong bambae mas mekem wan quik respons within wiks, blong helpem mifala long eria mo Malekula as a whole,” Mr Simeon i talem.

    “Cash crops blong mifala tu olsem cacao wetem cocoa oli damej plante, emia hemi ol main samting we pipol i stap winim vatu long hem and bambae tekem mifala years bakegen, blo mifala i bild ap bakegen blong mifala I save havestem ol cacao blong mifala wetem ol coconut.”

    Oli stap naoia, oli stap fesem wan shortej blong wota tu, mo ful moning oli bin stap klirim aot toti mo rubbish long rod blong vilij i kasem kolosap long central Malekula, we i kasem 15km.

    VBTC i traem blong karem wan comment long NDMO, be i no possibol.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen