Sunday, May 19, 2024
29.8 C
Port-Vila
Sunday, May 19, 2024
More

    Vinmavis long Malekula i stap rebild

    Folem ol damej we Tropikol Saeklon Lola i bin mekem, Vinmavis vilij long Malekula i stap mekem wei blong hem blong rebild.

    Long Tasdei, olgeta vilij blong Vinmavis i stap wok blong klinim rod long vilij blong ol, mo oli stap luk blong rebild mo reparem olgeta damej.

    Wan memba blong Vilij ya, Seth Simeon, i toktok long VBTC blong talem se olgeta i stap wok tugeta blong helpem rekaveri blong ol.

    “Tedei komuniti i kam blong hemi bildim bak storej wota tank blong mifala, afta we saeklon i kam, emi contaminatem evri tank wetem well long komuniti mekem se yumi no save usum ol wota tank blong drink, then mifala i gat shortej long wota, be tedei komuniti i kam blong putum ap tank blong putum bak klin wota sos,” hemi talem.

    Hemi bin talem tu se taem i bin had long olgeta from we ol damej long ol kakae long karen.

    Be i stap naoia, hemi lukim se help blong Gavman, bae help bigwan.

    “A lot of tankiu i ko long Vanuatu gavman, tru long asesmen tim blong NDMO wetem olgeta long provins, heds of depatmen lo Lakatoro, we i kam las wiken, blo konfemem ol damej wetem ol asesmen long ol komuniti wetem long ol karen,” Mr Simeon i talem.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen