Ol clinic long Vila Central Hospital bae oli stap long standby blong Emergency nomo, management i putum aot long wan press rilis.
Olsem Medical, Surgical, Mental Helt, Antenatal clinic, ENT Klinic, Eye clinic,Physiotherapy, mo Children’s out-patient.
Olgeta mama we oli gat bel mo oli 9 manis, o ol hae risk mama, bai oli go nomo long Maternity Ward sipos bak isoa mo stap luk disjaj o blad long rod blong bebe.
VCH hemi ekspektem blong gat ol injeri we hemi rileted long cyclone. Emergency Department bae hemi operet nomo. VCH i advis blong go long Emergency folem Triage area (weiting eria blong pharmacy).
Children’s Outpatient mo ol emergencies blong ol pikinini bae oli pass tu long Emergency area nomo.
Ol nara jenerol infomesen hemi includum :
– VCH administresen ofis bae hemi rispon long ol cyclone isiu nomo
– Pharmacy bae hemi open blong kivim aot mersin, sipos yu ranaot long mersin
– Ol injiury blong cyclone plis kam long Emergency
– Afta long natural disasta, yumi ekspektem wan hae namba blong ol sik olsem sisit wota, kof mo sotwin, ol sik we kamaot long ol bebet blong toti wota. Yumi enkarajem pablik blong obsevem ol seif wota, sanitesen mo haejin praktis, olsem putum wota long seif mo klin kontena, mo werem shus taem wokbaot long wetwet ples.
– Ol sikman we gat sotwin, plis folem medikol advaes mo folem hom asthma
manejmen plan blong yufala
– Sipos yu mestem klinik blong yu beh u nidim mersin, plis kam long hospital blong
karem mersin
– Folem hospital rispons, plis rispektem ol staff mo folem gud ol instraksen
