Vanuatu weightlifting tim we oli ko tekem pat long Commonwealth weightlifting 2024 senia, junia mo yut jampionsip long Fiji, taem Thomas Wilbur hemi manej blong sekiurim bronze medl blong Vanuatu.

Hemi wan mo excitmen wik blong sport long rijen bakeken, taem i lukim Fiji hemi hostem long las wik 2024 Commonwealth jampionship blong senia, junia mo yut, we i karem samples 300 atlit long wol we oli kam tugeta blong patisipet.

Vanuatu hemi kat 3 patisipen we oli ko tekem pat long taem ia, i kat Aja Prichard Lolo hemi long womans katekori blong 81kg, Thomas Wilbur long mens katekori long 109 kg mo Milah Dihn long womans katekori blong 64kg.

Aot long 3fala atlit blong Vanuatu, i lukim Atja mo Thomas tufala i ripresentem Vanuatu long plante kompetisens mo jampionsip long rijen mo ovasi, olsem Commonwealth kems las yia mo Atja hemi kasem Olympic kem long yia ia.

Mo long manis ia Milah hemi akompai tufala i ko long Commonwealth weightlifting long Fiji.

Tenaot blong Vanuatu long taem ia, i lukim Thomas Wilbur hemi karem brons blong mens senia katekori, Aja mo Mila i klokem wan pesonal bes blong tufala long kompetisen ia.

Hemi wan wik kompetisen we i stat long mande las wik kasem long Fridei ia.