Saturday, May 18, 2024
25.8 C
Port-Vila
Saturday, May 18, 2024
More

    Vanuatu Islander blong sevesem trade

    Vanuatu i gat long festaem long histri wan ship we bambae i seves bitwin Vanuatu, New Caledonia mo Fiji.

    Hemi LC Vanuatu Islander, niufala ship blong Vanuatu Ferry Limited we hemi pem long Indonesia.

    Tete Komisina blong Vanuatu Maritime Safety Authority, John Less Napuati i handem ova laesens permit long ship ia blong hemi stat seves long kaontri.

    VBTC Nius i kasem toksave se landing craft tanker ia long Vanuatu bambae i helpem fleet we kampani i gat finis blong sevesem domestik mo intanasonal kastoma blong hem.

    Hemi bigfala landing craft long kaontri mo longfala blong hem i kasem 67 mita mo hemi 30 mita tall.

    LC Vanuatu Islander i kasem Port Vila finis mo ol otoriti oli bin inspektem bifo hemi karem setifikesen blong operet.

    Vanuatu Islander bambae i transpotem ol kontena bitwin trifala Melanesian kantri mo hemi no wan pasenja ship.

    Ron blong ship ia bambae i help groem bigwan trade bitwin New Caledonia, Fiji mo Vanuatu.

    Plan i stap se spos operesen blong LC Vanuatu Islander i sakses bambae hemi inkrisim destinesen blong i go long nara kantri long rijen.

     

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen