Ol voter bambae oli usum National ID nomo blong blong vote long Snap Eleksen we i stap kam.

Vanuatu Electoral Office, VEO i stap askem ol sitisen we oli no register iet espeseli ol youth weh oli kasem 18 yia vinis, olgeta we oli gat wan National ID card be ID card blong olgeta hemi no stap yet long electoral roll mo olgeta we oli nomo live long address we i stap long ID card blong oli save ko register bifo .

Ol voter oli save ko register long VEO long Port Vila, Luganville, mo Tanna or toktok wetem eria administrator o eria sekretari long wanwan eria kaonsel blong save register.

VEO i talem se registration bambae hemi klos long Tuesday 3 Disemba 2024.

Mama loa hemi talem se general election bae hemi mas tekem ples 30 afta mo bifo long 60 day afta long deit  blong wan dissolution. 

Vanuatu Electoral Office hemi no talem aot stret deit yet blong election be hemi enkarejem evriwan blong register mo tekem pat long fiuja blong kantri ya tru long election weh i stap kam.