Vanuatu bae hemi stat blong karem kolosap VT1 bilien aot long 60% blong mane tru lo fishing raets blong jack makerel nekis yia.
Minista blong Finance mo Economic Manejmen, Hon. John Salong hemi talem se desisen ia emi afta long investigesen folem wan agrimen weh Saot Pasifik Reginol Fiseris Manegmen Okanisesen (SPRFMO) hemi putum blo no givim raets long Vanuatu blong i karem mane tru long kwota blong jack mackerel (mongru fis).
“Yumi no bin awea long agrimen ia mekem se Vanuatu i mas apil kolo kot long yia ia blong tekem bak raets blem blong salem jack mackerel ovaseas,” hemi talem.
Hon. Salong hemi talem se Kansel blong Ministas hemi bin sidaon long Desemba numba 13 long manis ia blong saenem wan agrimen wetem wan nara fising kampani blong Panama blong oli save serem kwota raets blong jack mackerel.
“Afta we Kot emi agri blong apruvum agrimen ia bae Vanuatu i stat blong salem jack mackerel mo bae yumi karem 60% blong mane, mo bae nara kampani bae tekem 40% kasem 2033 we bae Kot hemi givim ful raets long yumi.”
Hemi talem se long taem naoia kasem 2033, bae Kavman hemi trenem ol niufala ofisa blong save monita proces ia blong mek sua se yumi no lusum semak raets ia bakeken.
“Bae ol niu ofisa ia pa oli kip trak long kwota blong fis mo ol sel value, retel value blong bae yumi save salem long wan hae praes long nekis 10 yia blong agrimen.”
