Vanuatu bai i kat wan niu Supreme Court haus afta long 13 yia.

Prime Minister Bob Loughman, i sainem agrimen blong court haos ia long wik ia wetem Kavman blong Australia mo New Zealand mo talem se mani blong hem hemi VT1.2 billion.

Hemi talem se bae Australia mo New Zealand i sapotem bilding blong niufala court haos.

“Mi talem tankiu long gudfala sapot we Australia mo New Zealand i stap givim oltaem,” Prime Minister Loughman i talem.

“Mi kongratulatem Chief Justice, Vincent Lunabek, long gudfala wok we hemi bin mekem i kam long Republic blong Vanuatu long wan temporari ples.”

High Commissioner blong Australia, Sarah de Zoeten, i talem se presen ia i showem partnership we Australia i kat wetem Vanuatu long sekta blong jastis.

High Commissioner blong New Zealand, Jonathan Schwass, i talem se ol court i stap mekem fulap had judgmen long saet blong cival, criminal mo constitutional isu mo i stap soem se nomata i kat fulap mani be loa hemi blong everi man.

Hemi wishem Vanuatu hapi 40 yia long Independence.