Sunday, May 19, 2024
29.8 C
Port-Vila
Sunday, May 19, 2024
More

    US President Trump i aot long hospitol

    President blong United States Donald Trump hem i livim hospital tri dei afta we hem i admit from COVID-19.

    BBC News i ripotem se President Trump hem i flae long wan shot trip i kobak long White House long US presidential helicopter Marine One.

    “Mi filim gud tumas!” President Trump i talem long wan tweet blong hem.

    “No mas fraet long COVID. No letem i tekova long laef blong yu.”

    Bifo hem i livim hospital, President Trump i talem long tweeter se bae hem i kobak long Campaign Trail blong hem i no longtaem.

    President Trump i kamaot long hospital long Mandei.

    President Trump hem i bin admit long las Fraedei.

    Araon 12 staff long White House we oli bin stap wok kolosap wetem President Trump oli test positif long COVID-19.

    So fa United States hem i bin rikodem moa long 7.4 million kes blong COVID-19. Virus ia hem i bin kilim kolosap 210,000 American.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen