Vanuatu Christian Council i talem se wan stampa samting blong tinktink long hem bifo mekem disisen hemi unity.
Jeaman blong Vanuatu Christian Council, Pastor Collin Caleb i talem toktok ia folem disisen blong Presiden blong disolvem Palemen.
“Haon yumi unite blong mekem sua se ol disisen ia i no afektem yumi tumas blong slowem daon growth, economic mo stability blong givim intergrity blong yumi olsem wan christian nation,” Ps Caleb i talemaot.
“Mo mi wantem talem olsem se mi stap kol long evri jej long Vanuatu Christian Council blong ko hed holem taet situasen mo askem God i givhan long yumi; I givhan long ol lida blong yumi, olgeta we oli stap insaed long wol blong politik blong oli tinktink wise long hao wan disisen we bae oli tekem i afektem populasen blong Vanuatu
“Jej i kol blong ol pipol i pray from nation blong Vanuatu from situasen blong politik ia bae i afektem yumi long economic, spiritual mo plan. Mbe mi askem yumi blong trastem God blong i helpem yumi i ko tru long taem we yumi stap.”
Ps Caleb i talem toktok ia long General Assembly Meeting blo Presbyterian jej long Akam, Saot Malekula.
