Gavman blong United States blong America i wantem bildim bakeken wan strong patnasip wetem ol Pasifik kaontri.
Presiden blong United States, Joe Biden, i talem long miting blong US-Pasifik Islands Forum Summit long White House long yestete, se hemi wantem sapotem ol prioriti blong Pacific.
Hemia olsem sekuriti, infrastrakja, mo ol problem blong klaemet jens.
Hemi talemaot ol plan blong U.S. blong givim kolosap 200 milien U.S. dola, blong mekem ol niu projek we bambai i lukluk long ol prioriti ya.
President Biden i talem se bai i openem US embasi long Vanuatu long nekis yia, 2024.
Hemia bai i helpem ol U.S. paspot sitisen blong gat akses long emejensi mo visa sevis.
Embassada blong Vanuatu long United Nations, Odo Tevi, i stap long summit long Washington.
Praem Minista Sato Kilman Livtunvanu i no bin save attendem miting ya, folem politikol crisis long Vanuatu naoia.
Mo Praem Minista blong Solomon Islands, Manasseh Sogavare, i no akseptem invitation blong U.S. blong attendem miting ya.
U.S. i stap setemap rilesensip blong hem long Pacific bakeken, folem influence blong China long sam Pasifik kaontri naoia.
