Sunday, April 14, 2024
24.8 C
Port-Vila
Sunday, April 14, 2024
More

    UNELCO hemi askem kavman blong finem wan niu wota sos kwik taem

    UNELCO kampani hemi wonem Kavman se Port Vila i save ran aot long wota long nekis 5 – 6 yia from nomo se Tagabe wota sos ino naf blong sevesem 10,000 pipol long Port Vila.

    General maneja blong UNELCO, Frederik Petit i stap mekem wan apil iko long Kavman se hemi mas tekem aksen kwik taem blong finem wan niu sos blong wota bifo hemi let tumas.

    “Kavman i mas identifayem wan sos, we kwantiti mo kwaliti hemi gud, afta mifala nao long Unelco blo bildim ol infrastakja.

    “Hemia bigfala mani we mifala mas go wetem gavman bakeken blong identifayem sam funds,” hemi talem. 

    Hemi talem se Kavman i mas tingbaot tete ino tumoro oltaem, mo hemi wan nid naoia blong finem wan niu wota sos we i nidim 2 – 3 yia blong wok lem.

    Taem Kavman hemi locatem wan niu wota sos, bae nidim plante taem blong karemaot ol stadi blong jekem kwaliti blong wota mo tu ol nara wok we i nid blong tekem ples.

    “Mas jekem se i stret blong putum wan pam stesen, bae i mas karem wan laen blo pawa, i nidim wan rod blo kasem ples (sos) ya.

    “Mas bildim ol tank, putum ol paep, mekem ol bigfala storej tank, mekem wan niufala sistem blo tritim wota. 

    “Be afta yu mas hookem niufala sos ya long existing sistem.”

    Hemi pointem aot se mein kos blong problem hemi moa developmen we i stap tekem ples long Efate naoia we i kat 10,000 kastoma kompea long 1993 we UNELCO i bin kat araon 3000 kastoma nomo.

    “Fulap ples we bifo yumi save se hemia forest (bush), naoia i no moa kat,” hemi talem.  

    “U kolo Rangorango, forest i nomo kat. Ol kokonat tri we bifo i stap lo Bellevue, Beverly Hills mo bihaen lo eapot, naoia i nomo kat. 

    Hemia gohed se moa developmen mo setelmen we pipol i muv blong mekem living, i kat impak long hamas wota we i stap go insaed long graon. 

    “Lo 93 (1993) ino gat Bellevue Beverly Hills, i gat 3000 kastoma, tete 10,000,” hemi talem.

    Mr. Petit i talem se i bin diskasem long tabol wetem Vanuatu Kavman sam yia i pas wetem wan niu wota sos long Efate, be Kavman nao i nid blong tekem aksen.

    VBTC Nius i reisem konsen ya wetem Dipatmen blong Wota Risos mo oli agri se hemi wan isu folem hae namba blong populesen naoia.

    Diptamen i talem se bae hemi no save kamaot long media yet wetem ol plan, be i kat ol diskasen i gohed folem mata ya.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen