Sunday, April 14, 2024
24.8 C
Port-Vila
Sunday, April 14, 2024
More

    Underage drink-Independens park

    Eria we kaontri i stap hostem Independens selebresen long hem long Port Vila hemi kam wan hotspot we ol underage pikinini i stap drink alcohol long hem oltaem.

    Plante pipol we oli liv kolosap long Grandstand long Independence Park i talem se ol pikinini ia we fulap oli ol studen oli mekem plante noise.

    “Plante taem oli stap long Grandstand ia, ating oli fulum ap sam botel long basket skul blong olgeta. Samtaem mifala i stap koko long 6o’klok olsem long evening yu harem noise i kam long eria we mifala i stap ia. Fulap taem oli kam oli drink mo smoke plante, samtaem hemi karemaot uniform shirt blong hem, mo werem wan nara shirt mbe taem yu lukluk gud no hemia wan studen nomo ia,” Foma Polis Ofisa we i liv long eria ia, Sandy Lolos i talem long VBTC Nius.

    “Wan pikinini ia hemi nogat mustache nating.

    Mr Lolos i talem tu seh oli stap identifyem seh fulap long ol yuts ia oli kam long ol diferen ples raon long portvila mo i kol iko long ol parents blong mas stap jekem ol pikinini blong olgeta

    “Mi tink i moa gud ol parents o ol guardian i jekem gud ol pikinini blong olgeta blong talem se taem olsem ia yu vinis skul yu kam stret long haos,

    “Plante long ol pikinini ia oli liv long ol nara eria mo oli kam stap mekem noise long difren ples. Samtaem oli kam long Manples, Freshwota, Seaside mo ol nara ples mo oli kam ia oli mekem plante noise long plesia.

    Polis Yut Liason Ofisa long Crime Prevention Unit, Grenly Kender i talem se ol yut we oli no sapos blong drink mbe oli stap drink bae oli save ko long jail.

    “Juvenille Senta long Santo i stap vinis long Santo, sapos polis i stap kasem yu long plesia we yu stap drink, yu save priperem kes blong pas long kot mo sapos yu ko long kot mo sapos oli sentensem yu, mbe dadi mo mami i stap long plesia mbe yu ko stap long senta ia.”

    Juvenile Correctional Fasiliti ia i open long 2021 wetem eim blong givim education, training mo skills developmen opotuniti long ol yang ofenda we age i stap bitwin 12 kasem 18.

    By Jamie Brown.

     

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen