Unconfirm ripot i talem se i gat sam pipol long Torres i soem saen blong COVID.
Ol Reliable Sos i talem long VBTC Nius se sins March oli bin stap sik.
Oli bin letem Ministry blong Health i save mo oli bin sendem ol test kits i ko daon long April 15, pipol long eria ia oli bin mekem own test witout helt asistens mo faenem se hemi COVID.
Unconfirm ripot i talem se oli faenem 14 kes long Toga, 4 long Loh mo araon 3 long Tegua.
Be Sos hemi rivilim se i kat high posibiliti se namba hemi hae pitim hemia from we i kat fulap oli sik long ol pas wik. Mo evri 5 aelan long Torres i ripotem semak saen ia.
Hemi talem se i nogat eni ripot blong ded be sam oli sik nogud.
VBTC Nius hemi traem blong konfemem wetem helt be i no posibol long moning ia.
Sos oli rivilim se i kat tu charter flaet blong helt wokman long Vila i ko long Torres, wan long yestete mo nara wan tete.
Pipol blong Torres oli biliv se COVID i kasem olgeta tru long wan ship we i bin aot long Santo long March 6.
