I kat wan truf system i silip ova long Not pat blong Vanuatu we hemi cros i ko daon long Fiji mo hemia nao i mekem smol ren mo tanda.
Duty Weta Forecaster long Weta Ofis, Ian Nelson i talem long VBTC Nius.
“Long ol nara ples, ples i klaod mo janis blong smol ren; Ol wind blong yumi i variable ova long Not mo ol nara pat blong kaontri i expektem Saot East Wind,” Mr Nelson i talemaot.
“Hemia nao weta we kaontri i sud expektem long tete. Truf bae i stap ova long wiken ia kasem long nekis wik.”
Saeklon outlook blong faev dei hemi low,” Mr Nelson i talemaot.
