Wan Tropical Low i stap long Not East blong ol aelan long Torba.
Duty WetaForecasta long Weta Ofis, Ellen Luke i konfemem long VBTC Nius tete se Tropikol Low ia i kat hae jans blong save kam wan Saeklon long nekis 12-24 haoa.
“Hemi stap muv long wan direksen we bae i kam long ol aelan blong yumi,
“Yumi jes putum aot wan advisory 1 nomo long moning. Sapos yu kat wan tracking map blong Saeklon yu luk i stap long Square leta K, namba 2 long top raet kona. Hemia hemi abot 485kilomita east blong Banks Grup.
“Taem Tropikol low ia i stap muv i kam, yumi expektem wind blong pik ap lelbet long solwota mo bae yumi putum aot marine woning ia tete. Ren tu i save foldaon plante long not provins mo wind.
“National Disasta Management Ofis yumi stap advaes blong yumi putum aot blue alert. So mifala i putum tu long infomesen we mifala i pasem aot. Dei blong tete, i kat smol klaod mo smol smol ren mo ren i save pik ap long Noten provins tete long naet.”
Vanuatu i stap long saeklon sisien blong hem we hemi long Novemba -April.
