Thursday, June 13, 2024
25.8 C
Port-Vila
Thursday, June 13, 2024
More

    Trening i helpem ol fama blong impruvum skil blong planem krop

    Igat kol iko blong ol fama i mekem gud ius long graon mo managem gud fam blong olgeta.

    Hemia blong buildim food securiti long kaontri.

    World hemi stap develop long fasin blong impruvum krop productivity mo Vanuatu hemi kat national target blong hem istap finis long saed blong farming technique we bae hemi helpem ol lokol prodakt.

    Director blong Depatmen blong Agriculture Antoine Ravo i talem se plante resos long kaontri istap be ol fama oli no mekem good use long hem from oli no save.

    Hemi talem toktok ia long wan trening wetem ol fama long Port Vila.

    “Always mifala stay focus long bisnis plan blong mekem sure se objectives blong bisnis plan mo national target we expectem blong deliverem long tis year hemi must be made lo end blo year lo annual report blong 2023,” hemi talem.

    Ova 70 fama long provins blong Tafea mo Shefa oli kam tugeta long wan trening long wik ia.

    Trening program we istap kohed naia ba hemi kasem namba 2 blong nekis manis.

    Wan fama blong Tanna, John Iaulu, i bin atendem woksop ia.

    “Bifo mi plan ikam, mi wan fama be mi no usum tumas tiknik, be mi kam lo woksop ia mi lanem plante samting, osm ikam lo time blo white bun we me bin ting se ba hemi be mi lanem ol way blo me save kohed blo plan,” hemi talem.

    Wan mama Annie Sailes blong Rantapau blong East Efate, i talem se hemi wan good samting we everi komuniti long Vanuatu oli mas kasem save ia.

    “Sam mama bl mifala oli no skul be wanem igud lem se oli toktok English lo class be ikat practice lo graon we interesting tumas, be igud blong awareness hemi kasem too everi fama back long ol komuniti.”

    Plante long awareness bai hemi mass kohed blong givim high hope blong gavman hemi save ensure se bae ikat development long krop quality mo blong ikat sustainable agriculture.

    Development ia bai hemi contribute blong strengthenem agricultural sector mo reducum blong kaontri hemi depend long import produce.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen