Saturday, February 8, 2025
26.8 C
Port-Vila
Saturday, February 8, 2025
More
    Saturday, February 8, 2025

    Suprim Kot i deniem aplikesen blong rilisim wan Polis Ofisa folem tret we sam prisina i stap kivim lem long kalapus

    Polis Ofisa ia weh hemi wan Corporal, hemi bin go insaed long kalapus long manis May long yia ia from hemi fesem 4 sex relaited jaj.

    Ofisa ia bae hemi stap insaed long kalapus kasem namba 20 long manis ia taem bae hemi pas long kot bakegen.

    Long aplikesem weh kot hemi dinaem, ofisa ia hemi askm blong go stap aotsaed kasem taem bae hemi pas long kot.

    Hemi talem long statmen blong hem i go long kot seh ol presena weh oli mekem tret long hem hemi olgeta weh hemi bin arestem olgeta taem hemi stap long diuti.

    Hemi talemaot long kot seh 3 presina oli talem long hem seh bae oli sexuali assultem hem mo kilim ded hem.

    Beh kot hemi harem seh Correctional Services oli dil wetem concern blong ofisa ia finis mo oli seperetem hem wetem ol presina weh oli stap tretenem hem.

    Lawyer blong Ofisa ia i talem se Client blong hem i bin stap serem sem cell wetem wan long ol presena ia long High Risk Detention Centre beh naoia muvumaot tufala finis igo long Medium Risk Centre beh tufala inomo serem cell.

    Jastis MacKenzie blong Suprim kot hemi bin lisen long aplikesen ia mo talem seh inogat informasen weh i soem seh sefti blong saspended ofisa ia hemi stap long risk naoia.

    Ol jaj akesem ofisa ia oli folem komplen weh oli kamaot long 2 woman polis ofisa.

    Tufala woman ofisa ia i bin wok anda long Ofisa ia long Freshwota Polis post taem ol insiden behaen long ol alikesen ia oli hapen.

    Wan woman ofisa ia hemi mekem alikesen seh bos blong hem long taem ia hemi bin tekem hem iko long Freshwota Polis Post mo sexually assultem hem insaed ia afta weh hemi sendemaot ol nara ofisa.

    Nara woman ofisa hemi mekem nara alikesen seh sem ofisa ia hemi bin sexually asualtem bifo hemi go putum hem long haus blong hem. Hemi talem seh samples long 3 oklok long eli moning taem hemi finis wok Ofisa ia hemi draevem hem long polis trak i go long wan empti field mo mekem aksem ia long hem.

    Jastis MacKenzie hemi talem long jajmen blong hem seh ol alikensen akensem ofisa ia weh hemi wan senior mo supervisor hemi serious.

    Jaj blong suprim kot ia i talem seh fasin ia hemi soem seh Ofisa ia hemi stap soem pawa ofa long ol womam ofisa mekem seh hemi bae hemi was risk blong leko hemi i go aotsaed.

    Video series

    spot_img

    Must Read

    • https://radio.vbtc.vu/radiovanuatu
    • Radio Vanuatu
    • Radio Stations
    • https://radio.vbtc.vu/paradisefm
    • Paradise FM
    • Radio Stations
    • https://radio.vbtc.vu/femmefm
    • Femme Pawa
    • Radio Stations