Polis i tok akensem inkris fasin blong man i karemaot laef blong hem wan.
Long wiken, wan 30 yia old man blong Erakor, Efate i hangem nek blong hem wan long insaed long kitchen mo hemi livim bihaen tu gel blong hem.
Polis i talem se fasin ia i kam antap bigwan from famili i seraot mo i kosem fasin blong tinktink blong man i no stret mekem man i tinktink blong hangem nek.
Polis i tok strong long pipol blong no mas involv long kaen fasin olsem from ol piknini blong yumi bae oli kam victim blong wanem we yumi stap mekem.
Polis i askem ol komuniti lida blong luksave wanem i stap hapen; Ol jif, ol elder, ol pastor, ol woman mo yut lida mo ol parents blong helpem ol pipol we oli stap long nid.
Polis i askem pipol blong serem problem blong olgeta long nara man blong help.
