Intenet platform, Starlink hemi wok blong saveh gat licens blong hem blong providem sevis i kam long kaontri.
Mbe Regulata blong Telekomunikese i talem se bae hemi mas complitim everi requiremen long proces festaem.
Starlink hemi wan satelaet netwok weh wan american compani i stap ovalukim, i stap providem netwok mo intanet sevises araon long wol, mo hemi stap traem blong putum sevis blong hem i kam long kaontri.
VBTC i bin toktok wetem Telekomunikesen, radio communikasen mo brodcasting reguleta, Brian Winji, mo hemi talem se Starlink hemi bin stap wok kolosap wetem TRBR blong sam taem nao.
Starlink i bin approjem TRBR wetem tingting blong patnasip long 2022, mo 2023 hemi stat blong mekem wok blong karem bisnis licens blong hem long kaontri.
Mo hemi talem se long yia ya, Starlink hemi bin stap mekem gud prokres blong hem mo i complitim kolosap evri requimen weh hemi nidim.
“So that means hemi mas fulfillim ol requirments blong hem espesili long custom rates and tax bifo hemi saveh submitim applicasen blong hem i kam long TRBR blong saveh analizem blong saveh givim licens blong hem i operet.”
Wetem olgeta seves weh bae save kam long kaontri, bae i gat sam isu weh bae saveh stap.
Expens hemi wan isu weh i stap kosem consen long olgeta long TRBR mo Mr Winji i talem se hemi wan isu weh olgeta i stap wok long hem.
“Sevis blong Starlink hemi stap long onlaen sevises, and sapos ol pipol i nogat kad blong pem olgeta sevises tru online, hemi bae wan bigfala challenj we kantri bae mas luk long hem.”
Hemi talem tu se naoia i stap i gat sam pipol or grup long kaontri weh i stap usum Starlink illegoli.
Mo Mr Winji i talem se olgeta bae saveh risivim wan penalti blong illegol use ya mo bae saveh gat wan individuel faen blong 2 million, or wan faen blong wan grup or compani blong 20 million Vatu.
“TRBR i undastandem se i gat sam long ol terminol we hemi stap smuggle i kam insaed long kantri mo customs hemi no saveh abaot and olgeta weh customs hemi save olgeta hemi confiscatem, but olgeta weh i stap operate without wan liscens bae TRBR bae save askem olgeta blong switchim off.”
I gat sam finol wok blong ko hed mo i lukim se Starlink hemi stap kolosap blong saveh karem bisnis licens blong hem blong operet long kaontri.
