Monday, July 15, 2024
29.8 C
Port-Vila
Monday, July 15, 2024
More

    Sosal woka ofis i open long hospital

    Wan niufala sosal woka depatmen bae i sapotem ol pesient mo staf long Vila Central Hospital.

    Hospital hemi ofisoli openem depatmen ia long Wednesdei.

    Niu depatmen ia bae i dil menli wetem ol sikman o woman we oli faenem i had blong toktok wetem dokta about isu o sik blong olgeta.

    VCH medikol superintendent, Dr Vincent Atua, i talem se sosal woka emi wan advokat blong pesient.

    Hemi talem se mein risen from wanem hospital i wantem kat wan sosal woka department, hemi from fulap long ol pesient we oli stap ko tru long ol sensitif isu olsem rape, death, or physical abuse, sosal woka bae i helpem pasient.

    “Afta weh ol dokta oli luk you, mifala filem ripot, sipos you kam mo dokta blong you faenem I hard blong toktok wetem dokta, you kam luk mifala long sosal ofis mo bae mifala ia nao mifala stat blong wokabaot from ol ripot blong you, you ko stap long aos so sosal woka ofis ia hemi stat blong brekem daon disfala baria bitwin ol dokta mo pasient,” Dr Vincent i talem.

    “Sipos yufla kat sam questions or sam famli oli ded unexpectedly mo yufla nidim wan explanation weh dokta hemi no kivim, ofis blong social wok tu hemi saveh help blong kivim aot ol infomesen olsem.

    “You weh wan viktim blong physical abuse or victim blong rape mo you faenem hemi hard blong ripot long polis or even tok to the doctor, sosal woka desk bae hemi wokabaot from everi pepa blong you blong helpem you.”

    Hospital bae tekem 2 niufala sosal woka.

    Voluntia blong Volunteer Service Abroad (VSA), Diane Edwards, bae hemi wok wetem nufala sosal woka mo liftimap capasiti blong olgeta.

    Hemi talem se Vanuatu i gat plante sosal woka mo sosal welfea ofisa long narafala okanaesesen long Vanuatu, be no gat wan sosal woka i stap long hospital.

    Ms Edwards i talem se sosal woka blong hospital oli save wok wetem ol okanaesesen ia long samting olsem gendabaes vaelens, o child proteksen.

    Hemi talem se VCH i bin operet hemwan aot long olgeta narafala okanaesesen, so wetem sosol woka depatmen ia, hemi hop bae i bildim brij wetem olgeta okanaesesen ia blong helpem ol pesient.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen