Sunday, May 19, 2024
29.8 C
Port-Vila
Sunday, May 19, 2024
More

    Solomon Islands M7 earthquake

    Wan magnitude 7.3 earthquake i strakem Solomon Island region tete mo putum wan tsunami woning long ol eria i ko antap kasem 300 kilomita longwe.

    Ol otoriti long Solomon Islands i talem se i nogat bigfala damej long magnitude 7 earthquake, mbe olgeta long capital Honiara i nogat electricity pawa.

    Episenta i bin stap long solwota kolosap long Malango, Solomons, United States blong Geological survey i ripotem.

    Radio New Zealand i ripotem se Spokesman blong Ofis blong Prime Minista Manasseh Sogavare, George Hermind i talem se pipol i kasem advaes blong muv i ko long hae graon.

    “Ol ofis table mo komputa i stap olbaot nomo. Hemi scari.” hemi talem mbe hemi adem se i nogat wan bigfala damej long ol bilding long senta blong Honiara,” Hemi talem.

    I bin kat plante fraet long taem blong earthquake ia.

    Leit long aftanun ia, Solomon Islands Meteorological Service i talem se i nogat eni tsunami risk blong ol aelan ia.

    Pacific Tsunami Warning Centre i talem se ol kavman agensi risponsibol blong threatenem ol coastal eria i mas tekem aksen blong advasem olgeta we oli liv kolosap long solwota long denja.

    Senta ia i talem tu se ol tsunami wave we i forecast blong i ko daon long 0.3m antap long taet level blong ol saed blong ol coastal eria blong Papua New Guinea mo Vanuatu.

    Hemia i kam afta long Monday we wan shallow 5.6 magnitude earthquake long West Java, Indonesia we i kilim 162 pipol mo plante pipol i kasem kil.

    Ol rescue wokman i stap ko hed blong lukaotem ol pipol ia

    Kavena blong provins, Ridwan Kamil, i talem se ova long 13,000 pipol i muv aot long haos blong olgeta.

    -RNZ / Reuters

     

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen