Sunday, July 14, 2024
25.5 C
Port-Vila
Sunday, July 14, 2024
More

    Solomon Airline bae i mekem International Brisbane flaet stat long July 4 2024.

    Solomon Airlines bae hemi statem International flaet long Brisbane –Santo wetem Port Vila long July.

    Deputy Praem Minista mo semtaem man weh hemi lukaotem ol isu blong airline long taem naoia we Air Vanuatu hemi ko long Liquidation, Matai Seremaiah i konfemem long VBTC Nius se fes international flaet bae hemi long July 4 we hemi Brisbane- Santo.

    Mr Seremaiah i talem se tim blong Solomon Airline oli kasem Luganville vinis blong mekem wok blong pasenja jek in blong ticket sale i save ko hed.

    ‘Solomon Airline hemi bin statem blong mekem tu flaet long Vila-Auckland long pas wik vinis mo naoia mifala i finalisem vinis Brisbane-Santo,’’Mr Seremaiah i talem.

    Lukluk i stap se bae hemi gat tu international Brisbane flaet long wan wik. Long Tesdei pa Solomon Airline hemi mekem Brisbane Santo mo Satete Brisbane -Port Vila.

    Mr Seremaiah weh hemi semtaem Minista blong Foreign Afea ,toktok i stap ko raon yet blong Civil Aviation i givim grin laet blong tufala international flaet ia bae i save mekem ol domestik flaet long Santo-Vila mo Vila- Santo.

    ‘Olsem Minista blong Foreign Afea bae mi givim raet long Air Service agrimen bitwin Vanuatu wetem Solomon Islands blong save mekem ol arenjmen blong Santo-Vila, Vila-Santo mo hemia nao yumi stap traem blong kasem mo yet blong finalise wetem apruvol blong Civil Aviation,’’ Mr Seremaiah i talem.

    Hemi talem se oli hop blong Childrens day domestik bae hemi stat.

    Airbus blong Solomon airline ia hemi tekem ova 100 pasenja.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen