Labour Mobility Program i wan key eria blong lukluk moa long ol social isu.
Minista blong Foreign Affairs, Jotham Napat i talemaot long delegation blong Australia we i kam daon long Vanuatu long wik ia.
Minista Napat i talem se nating se Labor Mobility scheme i wan bigfala kontribution blong mani long ekonomi i kat sam isu we tugeta kaontri i stil mas wok tugeta blong adresem.
Hemi talem se i mas kat moa andastanding long hao scheme ia i benefitim tugeta kaontri blong mekem se wok i save ko gud blong adresem ol jalenj.
“I gud blong karemaot wan stadi long Australia blong faenem hao i Vanuatu economi kontribusen long Australia long agriculture mo ol nara sekta,” Minista Napat i talem.
“Hemi impoten blong yumi andastanem olgeta value we yumi tekem long patnasip blong Labour Mobility.”
Minista Napat i talem tu se from bigfala namba blong ol man Vanuatu i stap travel iko long Australia from wok hemi wantem karem asurens se bambai Australia i wok blong mekem laef i isi long ol pipol blong Vanuatu.
“Mi biliv se taem hemi naoia blong stregthenem pipol exchange mo i luk plante Ni-Vanuatu oli stap travel i ko long Australia blong labour mobility scheme; Vanuatu i wish blong askem andastanding blong Australia blong mekem sua visa proses mo afortabol reit blong ol wokman.
Honorable Pat Conroy we hemi Minista blong International development mo Pacific Minister blong Industry Defense i talem se Australia i stap wok finis blong adresem ol isu blong ol seasonal woka.
“Mifala i mekem sam impruvmen long scheme, Fes hemi wan national hotline blong pipol i save ripotem ol tinktink blong olgeta mo mifala i stap wok blong sapos oli kasem wan abuse long farm bae oli save muv i ko long wan nara wok mo oli no lusum visa blong olgeta,” Mr Conroy i talemaot.
“Impoten nao hemi mifala i stap trailem ol longterm visa we 200 i save tekem ol famili blong dil wetem ol isu blong home. Mifala i stap wok long deduction isu mo mas ko hed wok wetem ol pacific kavman blong mekem olgeta isu ia i adres kwiktaem.
Hemi se ekonomi blong Vanuatu i depen bigwan tu long Labour Mobility Scheme mo Australia mbai i wok blong luk hao blong sapotem ol raet blong ol woka.
