Six mosen blong diskasem nekis wik long Palemen Fes Extra Ordinary Sitting.
Spika blong Palemen, Simeon Seule, i stetem se folem Atikol 21 (2) blong Mama Loa blong Vanuatu mo folem standing oda 15 (1) blong Palemen, seson blong nekis wik bambae i toktok nomo long ol ajenda we i stap long list.
Fes samting long list, hemi blong sakem aot saspenson blong MP Gratien Schedrack we Palemen i bin pasem tru long wan moson mo tekem hem i kam bak presens blong hem insaed long flo blong Palemen.
Nara mosen hemi blong muvum aot fes dipiuti spika mo sekon dipiuti spika blong Palemen mo elektem ol niuwan mo long semtaem blong elektem namba 3 mo namba 4 dipiuti spika blong Palemen.
Mosen akensem Praem Minista blong Vanuatu hemi stap long list namba 5 mo blong elektem wan niu Praem minista.
Spika blong Palemen i stetem se ol ajenda ia nomo bambae Palemen i toktok long hem long Palemen Fes Extra Ordinary Sitting.
