Six foma Prime Minista bambae oli kontestem 2022 snap eleksen long October.

Olgeta ia i gat Sato Kilman Liftuvanu, Moana Carcasses Kalosil, Charlot Salwai Tabimasmas, Joe Iaukowai Natuman, Rialuth Serge Vohor mo keateka Prime Minista Bob Loughman Weibur.

Ol lida ia i kleim se pipol i askem olgeta bageken blong oli mas go bak long palemen mo finisim ol wok we oli bin stap tokbaot.

Majority blong ol foma praem minista ia hae kot long Vanuatu i faenem olgeta i guilty mo panisim olgeta from illegal aktiviti we oli bin involv long hem.

Samfala Hed blong Stet i yusum paoa we konstitusen i kivim blong pardonem olketa blong oli kam free man.

Joe Natuman i talem se pipol i askem hem blong hemi go long wan term nomo long palemen mo priperem next lida we bae i tek ova.

“Hemi no tinktink blong mi; Hemi blong wan yangfala i tek ova be ol vota blong mi long aelan wetem ol join sub komiti oli mit blong lukluk long sam candidate; Mo oli disaed se taem blong mi i no vinis yet,” Mr Natuman i talemaot.

“Mi bin vinisim gud saspen sentens blong mi, mo long 2021 Head blong State hemi padonem ol conviksen so i minim se mi fri. Mo ol pipol i wantem mi kobak blong vinisim term blong me.”

Longtaem mo strong nabanga blong politik long Santo, Serge Vohor i mekem wan nara kam bak long politikel fil.

Afta we Nasenol Congress hemi aotem hem olsem President blong Union blong ol Moderate Pati, Mr.Vohor bae hemi ko long kampen Fil anda long wan niufala Pati.

“Wan muvmen we bambae mi stanap long hem; Mi no stanap blong akensem ol fren blong mi long Union blong Moderate Party(UMP) be from mi tink se long aelan we mi kam long hem i kat man,” Mr Vohor i talem.

“Mi ol man blong mi oli stap.”

Olketa we oli konfem blong stanap long eleksen ia i gat Sato Kilman Liftuvanu, Moana Carcasses Kalosil, Charlot Salwai Tabimasmas, Joe Iaukowai Natuman, Rialuth Serge Vohor mo keateka praem minista Bob Loughman Weibur.

Evri foma Praem Minista ia oli stap long Port Vila long wik ia mo finalisem form blong olketa blong kontestem snap eleksen.