Ol mobile fon kastoma blong Vodafone mo Digicel oli save lusum akses long seves sapos oli no rijiistarem simcard blong olgeta wetem stret ID bifo en blong yia.
Hemi folem wan ‘Sim Card Registration Regulation Order namba 105 blong 2022’ we Telecommunication mo Radiocommunication and Broadcasting Regulator(TRBR) hemi givim.
Instraksen ia hemi kam long regulator folem wan tingting blong Kavman blong stopem ol illegal aktiviti we i stap hapen wetem yus blong ol mobile fon.
VBTC Nius hemi awea se diskasen blong rijistration blong ol simcard hemi stat taem i gat plante pipol i tok nogud long ol nara pipol inkludim ol lida long social media(fesbuk) we oli no yusum stret nem blong olgeta.
Mbe i gat konsen tu se fasin blong monitarem mo tekem aksen akensem wan user hemi save ko akensem Constitutional raet blong wan sitisen.
Vodafone Vanuatu Limited i talem se ol sem kad we ol kastoma i yusum naoia oli mas rijistarem bagegen bifo en blong October sapos no bae oli disconektem seves blong simcard ia.
Kampani Digicel hemi no talemaot yet wanem taem bae hemi statem rijistresen blong ol simcard blong hem.
TRBR i talem se olgeta pipol we yusum mobile fon oli mas rijistarem ol simcard wetem wan ID we hemi stret nem blong olgeta mo ples we oli stap long hem.
