Ol sik i save inkris folem Saeklon we i pas.
Dr Imelda Valia long Shefa Health i talem se hemi impoten blong klinim yard mo yusum klin wota blong daonem sik.
“Afta long wan disasta, sitsit wora hemia i hapen from flood, ren wota o riva i ron i no klin; Leptospirosis hemi wan nara sik from ol pispis blong ol animol long ol yard olsem pig, hemia tu i save pasem ol sik i kam long yumi, bae i likeli blong kat ol sik ia mo tu ol sik blong olsem Malaria mo Dengue Fever, ”
“Yumi traem klinim ol yard blong yumi, slip long mosquito net mo washem hand taem kakae mo mekem sua se ol kakae we yumi kukum i klin. No wokbaot tumas long ol rabis wota we oli smel
“Pipol i save kat ol headache tu from yumi no sik enaf wota, so yumi mas lukaot gud long yumi. Ples i hot, sun i strong, so yumi lusum plante sweat mo pasem wota long toilet so i kat sam we oli kat wota mo sam oli nogat so hemia nao pa i mekem hed i so.
Dr Valia i talem se wan moa sik hemi pipol i wari from oli lusum ol hom blong olgeta.
“Ol mental health efek; Sam long yumi oli lusum ol hom mo even sam bisnis tu i damej mo i save mekem ol wari longtaem,” Dr Valia i talemaot.
“Yumi kat wan mental health Dipatmen we i stap mo ol pipol raon long yumi we oli save helpem yumi,
