I gat kolosap 100 million vatu outstanding blong properti tax mo busines licens weh ol properti mo bisinis owna oli no pem yet i go long Shefa Provincial Gavman.
Folem hemia Shefa Provincial Gavman bae i lonjem wan operation blong traem blong kolektem ol fees long 8 difren eria kaonsel blong hem.
Ol outstanding ia hemi backdate blong properti tax mo busines licenses long yia 2024 kasem 2019.
Niufala Secretari General blong Shefa Provincial Gavman, Lionel Kalwat hemi talem seh Council hemi prepared blong spendem Vt 3 million olsem cost blong operation ia.
Mr. Kalwat hemi talem seh igat sam wok i stap blong mekem blong save impruvum wok blong revenue koleksen blong province ia long nekis yia.
Hemi stap apil long ol properti mo bisnis owners weh oli stap operate insaed long juristriksen blong Shefa Provincial Gavman blong compale wetem ol ofisas blong Provinis long taem blong operation ia. Mr Kalwat hemi seh Province bae hemi karem asistens blong Vanuatu Polis Fos blong helpem koleksen blong ol tax mo lisens long taem blong operation ia.