Fiji hem i rikodem seken COVID-19 rilated ded blong hem.
Radio New Zealand i ripotem se hem ia i folem fes sirias kes blong kaontri ia long las manis taem wan 66 yia old man, we i stap tu long kwarantin, i ded long Lautoka Hospital.
Lokol media long Fiji i ripotem se patient we i ded naoia hem i bin kambak long wan repatriation flaet long eli manis ia mo hem i stap yet long kwarantin we hem i bin test positif from coronavirus.
Man ia hem i blong Labasa long Fiji mo oli berem hem long Drasa Muslim cemetery long Lautoka long tedei moning.
Ripot i talem se ol staff blong Ministry blong Health long Fiji wetem ol polis ofisa nao oli tekem ded bodi blong man ia i ko long cemetery blong berem hem.
