Ol ship wetem ol smol banana bot kapten we oli stap sevesem ol pipol long festive season ia i mas tinkbaot sefti.

Commissioner blong Maritime Affairs, Less John Napuati i putum aot toksave ia.

Mr Napuati i advaes blong eni ship o banana bot we i wantem aot i ko long solwota i mas save gud long weta mo oli mas kat ol sefti ekipmen olsem laef jacket.

Hemi askem ol crew blong ol ship blong sevesem ol kastoma wetem klia mo fresh mind mo no tekem alcohol mo kava taem oli stap wok.

Ofis blong Maritime Regulator i askem ol pipol long ol aelan blong ripotem eni crew we oli luk se hemi drong.

Mo tu ripotem eni insiden long ol polis kolosap o kolem Ofis blong Maritime Regulator.

Mr Napuati i askem ol crew blong tinkbaot sefti blong pipol oltaem long solwota.