Australia bae i givim ova VT1 billion blong sapotem badjet blong Vanuatu long 2023.
Prime Minista, Ismael Kalsakau i talem se mani ia Prime Minista blong Australia, Anthony Albanese i talemaot se bae i helpem economi long saed blong aviation, trade, implementation blong PACER Plus, agriculture, infrastracture, cyber security mo banking afta long COVID mo ol nara disasta.
“Economic package we oli bin anaonsem hemi ko olsem; Long trade mo Supply Chain Strengthening oli anaonsem se bae VT500 million i availabol we hemi 5million dola blong PACER Plus coordination anda long Ministry blong Foreign Affairs mo ol aktiviti bitwin Ministry blong Trade mo Agriculture we bae oli talemaot; Bilateral rikwestem badget sapot we hemi amaon blong 11.5 million dolla we hem ova long 1 billion vatu we hemi ko blong sapotem Aviation sector mo blong strengthenem cyber security system blong Infrastructure blong yumi mo tu blong givan long Labour Mobility blong yumi; Bilateral negociatem badget sapot we hemi amaon blong 11.5 million dola we hemi ova long VT1 billion we bae yumi faenem we bae hemi ko long aviation sekta, strengthenem cyber security system blong infrastracture wetem givhan long Labour Mobility,” Prime Minista Kalsakau i anaonsem.
“Oli agri tu se bae oli givim general badget sapot wetem ol development patna blong yumi long wan amaon blong 3.5 million dolla mo hemia bae i ko long ol reform sector blong financial sector, State Own Enterprise mo Public Finance Management Reform.
“Long saed blong local Economic Stimulus, wan amaon blong 5million dolla bae i ko long constraksen blong ol mein road long ol rural eria blong yumi; Long saed blong kava export bae yumi nomo dil wetem pilot market mbe openem ap ol market blong fulum long ol ol kava blong yumi blong oli save akseptem tru long expot blong ko long Australia blong economi blong Australia i save tekem. Hemia bae yumi mas mekem plante wok long saed blong yumi blong mekem hemia i hapen.
Prime Minista Kalsakau i talem se hemi sapraes blong luk se Australia i rere blong helpem Vanuatu long saed ia.
Australia mo Vanuatu i welkamem tu prokres long ol niu infrastructure projek anda long Australia Infrastructure Fiancing Facility blong Pacific we bae hemi sapotem prioriti blong konektiviti wetem fokas long aviaation.
“Mo hemia mi stap tokbaot blong Australia long ol developmen blong ol climate -resilient infrastructure long Vanuatu inkludum security mo transport,” Prime Minista Kalsakau i talemaot.
Ol anaonsmen ia Australia i talemaot taem Prime Minista i ko long Australia folem invitation we i kam. Hemia i folem visiti blong Foreign Minista blong Australia, Senator Penny Wong i kam long Vanuatu long Decemba 2022.
Minista blong Finance mo Economic Management, John Salong i bin talem se badjet blong yia ia hemi samples long VT67 billion.
