Friday, February 23, 2024
26.8 C
Port-Vila
Friday, February 23, 2024
More

    Sam scul i no risivim Kavman scul grant yet

    Ministry blong Education hem i stap apil i ko long ol scul principal blong mas provaedem finansiol ripot blong olgeta blong 2019 blong save kasem skul grant.

    Daerekta General blong Ministri blong Education, Bergmans Iati, i talem se Teaching Service Commission i stap wok naoia blong lukluk bak long wok blong ol autority blong ol skul we oli stap fesem jalens naoia folem pua manejmen blong olgeta.

    Hem i apil long ol principal blong oli mas perform folem ol polisi we i stap.

    Direkta General Iati i talem se sam long olgeta skul ya oli no bin provaedem yet finansiol ripot blong 2019, i mekem se skul ino risivim yet grant blong olgeta.

    “So finansiol ripot ya nao taem i kam then yumi save rilisim grant, so ol skul we oli talem se oli no risivim grant, hem i from nomo se principal i no provaedem finansiol ripot blong 2019,” Mr Iati i talem.

    Hem i talem se sam long olgeta skul ya, oli no apruvum ol scul fee strakja blong olgeta from oli no rispektem regulesen oda blong ol fee.

    “Dorm fee bambae i no bitim VT 45,000 long wan yia, dei student bae i no pitim VT 25,000 long wan yia. So sam long olgeta oli ova jajem ol pikinini i mekem se yumi no apruvum ol fee strakja.”

    I kat sam skul oli no bin openem doa blong olketa long Mandei from isiu blong mani.

    Administration blong Ecole Sainte Jeanne D’arc Primary skul long Port Vila i talem se hemi stopem ol student blong oli no go long skul.

    Skul i talem se hemi no risivim eni grant yet sins stat blong yia ia, we kavman i bin promis blong kivim long olgeta.

    Principal blong Sainte Jeanne D’arc Primary skul, Vincent Kapalu, i talem se skul i short long mani, afta we hemi bin yusum own mani blong hem blong mekem hom skul pakej.

    Mr Kapalu i talem se skul i bin putum scul fee strakja i go long Ministry blong Education mbe oli no bin apruvum mo grant we kavman i sud kivim i no bin hapen.

    Mr Kapalu hemi apil long ol perens se bambae ol pikinini i no kam long skul mbe bambae oli mas lisin long radio mo folem admin long facebook page blong skul blong save wetaem pikinini i save go bak long skul.

    Malapoa College long Efate tu i no alaoem ol student we oli stap slip insaed long scul blong kam slip long scul yet folem semfala isiu.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen