Sunday, April 14, 2024
24.8 C
Port-Vila
Sunday, April 14, 2024
More

    Ristorem bak pawa mo wota-PM Kalsakau

    Wok blong putum bak pawa mo wota blong pipol i stap sef hemi prioriti blong Kavman.

    Prime Minista, Ismael Kalsakau i talemaot long toktok blong hem tete long naet folem damej we tufala strong Saeklon Judy mo Kevin i mekem.

    “Kavman i kat bigfala wok blong mekem blong adresem ol nid blong pipol; Olsem Prime Minista blong Vanuatu, mi kat hona ia blong talem se kavman wetem ol developmen patna bae i help blong ristorem koneksen blong pawa mo wota blong mekem se pipol oli sef long wanem ples oli stap long hem wetem ol evacuation senta,” Prime Minista Kalsakau i talem.

    “Kaontri blong yumi hemi vulnerable long ol natural disasta mo hemi stap long top list long ol vulnerable kaontri. Mi adresem yumi ol pipol blong Vanuatu long tete naet wetem wan hevi from yumi jes ko tru long tu strong tropikol saeklon, wan hemi Judy mo nara wan kevin; Mo tu i kat wan earthquake blong magnitude blong 6.3 we i strike long 117 kilomita Not west blong Luganville, Santo.  Once yumi stap rikava long olgeta impak blong COVID mbe yumi ko hed blong sabjek long olgeta tropikol saeklon mo flooding, volcanoic erapsen, earthquake mo Tsunami. Naoia we mi stap toktok long nation, Saeklon Judy mo Kevi i leko ol aelan blong Vanuatu vinis.

    “Mo kavman i kat bigfala wok blong mekem blong adresem ol nid blong pipol.

    Prime Minista i talem se bae health, hygience mo food security i adres neks wan long level blong gender proteksen.

    “Stat tete wetem heart blong Australian Kavman mifala i bin ko long wan surveillence flaet we mifala i flae ova long Port Vila, Tanna mo Erromango; Mifala i nosave kasem Aneityum from ples i stap tudak mo yumi i mas kambak; Hemi sad blong luk ol damej ia,”

    “Mi glad blong talemaot tu se long tumoro bambae ol fes humanitarian asistens long saed blong kakae wetem ol non-food item bae i kasem kaontri blong help pipol we oli afeketem bigwan ol man,

    “Yumi aknoledgem limitation blong Vanuatu long saed blong logistics mo risos from i kat plante aelan i stap olbaot, so bae i kat sapot tu long saed blong hem ia blong adresem nid. Bambae yumi openem recovery operation senta blong yumi blong i stap wok.

    Prime Minista Kalsakau i talem se Council blong ol Minista bae i mit long tumoro blong extendem State blong Emergency i ko long ol nara aelan.

    “Bambae hemi expandem eria blong coverage blong State blong Emergency,” Prime Minista Kalsakau i talemaot,

    “Mi apil long evri gud pipol stat long Torba-Tafea blong kopereit gud wetem ol ofisiol blong yumi, Yumi talem tankiu long ol fren blong yumi we oli stap kam insaed long kaontri vinis blong helpem yumi, ol airport bae oli open blong alaoem ol flaet we oli kam in mo aot.

    “Yumi talem tankiu long God from i kipim yumi i sef from hemi impoten, From yumi ol resilent pipol vinis mo bae yumi wok tugeta blong ribildim gud.

    “Mi pray se bae God Almighty bambae i blessem republic blong Vanuatu wetem ol gud pipol blong yumi.”

     

     

     

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen