Ol wok blong renoveisen i stap go hed naoia blong ol bilding long Lycee de Luganville, weh TC harold i bin damagem long yia 2020. Hemia happen tru long TC Harold Recovery program weh Vanuatu Kavman i kat wetem Australian Kavman.
Olgeta wok ia i bin tekem ples long las wik vinis, KD Enterprise hemi kontrakta weh Ministri blong Edukeisen mo treining hemi jusum blong oli brekem taon ol bilding ia mo ri-constractem ol niu bilding.
VBTC nius i witnisim olgeta wok ia taem i toktok wetem Prinsipol blong skul Mr Barthelemy Ngwele mo hemi talem seh hemi wan big namba blong ol klasrum weh bambae oli ribildim, i mekem skul i mas wok blong faenem sam wei blong akomodetem ol studen long ol temporari klasrum tru long piriod blong constraksen ia.
Kontraktor i kat wan piriod blong 18 manis blong vinisim ol wok blong constraksen.
Sapot weh i kam long Edukeisen hemi 600Million Vatu blong program ia, mo samples 225 million vatu weh hemi 1 therd blong totol mani ia i go long Lycee De Luganville blong constraksen blong ol bilding ia.
Ol wok blong bildim ol temporari klasrum i stap go hed vinis, mo tu KD Enterprise i stap state mo ol kliarens ia redi blong bild.
