Saturday, May 18, 2024
25.8 C
Port-Vila
Saturday, May 18, 2024
More

    Relief saplae -Sherpherds mo Epi

    HELPR-1 i stap tekem ol relief saplae i ko long Sherpherds aelan mo Epi naoia.

    Director blong HELPR-1, Dr Basil Leodoro i konfemem long VBTC Nius.

    “Long ship i kat ol wota. rice wetem ol nara kakae; Yumi kat ol tarpaulin, ol wota tank, wota collecting mo storage system, ol meresin,” Dr Leodoro i talem.

    “Mo Ministry blong Health tru long National Emergency Operation Center i putum ol emergency medikol tim wetem wan doctor, wan mid-wife, wan nurse, wan logistics. Yumi kat tu long health cluster vaccination wetem ol niu stik meresin, solar panel blong sapotem rispons we i stap ko long Sherpherds mo Epi.

    “Fes drop off hemi blong putum ol kakae long Makira mo Mataso. Mo afta stat blong dropem ol asesmen tim long Emae. Long wiken bae yumi stap long Epi blong ko raon long evri fo eria council blong putum ol asesmen tim, givim aot kakae, wota mo tarpaulin. Mo afta HELPR 1 bae i sail i kam long Tongoa, Tongariki mo Buninga . Long Monday yumi kat plan blong pikim ap sam moa tim blong yumi long Undine Bay(Efate) from hemi moa kolosap nomo; 4 haoa nomo long Efate kam long Sherpherds, mo bae yumi kobak blong fokas long Emae, Makira mo Mataso.

    Dr Leodoro i talem se hemi wan patnasip wei blong mekem rispons.

    “Wetem HELPR-1 mo capabiliti blong hem, yumi save mekem asesmen tim, response hemi stand by long ship mo taem asesmen i vinis, yumi putum risponse i ko shoa,”

    “Mifala i rili glad blong tekem pat long rispons blong Tropikol Saeklon Judy mo Kevin long Sherpherds mo Epi mo sapos i kat eni nid samples mifala i luk fowod blong ko sapotem ol pipol blong yumi.”

    National Disaster Management Ofis mo Shefa Provincial kavman i taskem tim ia.

     

     

     

     

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen