Ranwadi kolej lo Pentecost ino bin risivim eni mani sapot sins long Tropikol Saeklon Harold long 2020 kasem year ia we TC Lola i kasem olgeta bakaken.
Rod blong kasem ful recoveri i ko long we bakeken taem wan niufala disasta i kam mo kilim skul ia.
From i no gat eni finansol assistans, Ranwadi kolej hemi tri had blong kasem ful recoveri wetem own mani blong hem sins TC Harold long 2020, mo TC Judy mo Kevin eli long yia ia.
Acting principal blong Ranwadi kolej, Albion Tabi i talem se skul i stap yusum fulap ol mani blong hem finis blong mekem recoveri.
“As of TC Harold, we hemi pas lo 6 April lo 2020 finis, skul hemi no save o hemi no gat eni financial assistance, o i no gat wan aid yet, o i no gat wan rekoveri fund yet blo mifala save mekem ol damej ia o reparim ol bildings,” Mr Tabi i talem.
“And Judy tu hemi kam and Kevin tu, hemi kam, and hemia bakeken hemi kam. So bigfala damej stap lo skul ia.
“Skul i stap traem i exhasutem plante ol finans blong hem blo tram mek sua se fes blong skul i kam stap nomol bakagen from se edukesen blong ol pikinini hemi mas olwes stap paramaon.”
Mr Tabi i talem se nomata long disasta we i kasem olgeta bakeken be learning i mas kohed mo oli mas stap resilient oltaem.
“Tingting we i stap naoi we yumi stap holem taet olsem se ol bikbik man blong yumi lo gavman oli talem se yumi mas resilien,” hemi talem.
“Ranwadi kolej administart hemi stap takem ol desisen mekem folem toktok ia nao.
“Mekem se this week as mi stap toktok raet now, yia 10, 12 wetem 13 oli stap go hed bakeken lo skul blong olgeta.
“Bambae oli spel wan wik ia, nekis wik yumi expectum blo yia 7, 8, 9 and 11 bambae oli should kam bak bakagen long skul blo oli go hed wit ol normal programs blo olgeta.”
Hemi se i kat 5 klasrum mo sam nara essential faciliti we oli damej folem TC lola mo sam we TC Harold i bin damejem i stap iet.
“Ol klasrum, i gat 5 klasrum hemi damej, afta i gat 3 staff haos i damej, skul kitchen hemi damej, ablusen block tu hemi damej, mo i gat wan dometri tu i damej i stap,” Mr Tabi i talem.
“Plus ol other damej we olsem TC Harold hemi leko i stap ol bilding ia i stap yet.”
Olsem wan long ol senior skul long kauntri insaed long Penama provins we i lukaotem ol secondary mo senior studen we oli mekem wan total blong 374 studen everwan, Mr Tabi i kol blong gavman i step in mo providem assistance long olgeta.
