Public Service Commission (PSC) Chairman, Martin Mahe, i mekem ol impoten announcement long ol direktiv we Honourable Prime Minister i kivim aot. Public Service i sendem aot ol circulars long ol Director General, Directors, Secretary Generals mo Senior Staff blong Ministry we oli stap andanit long PSC authority.

Mahe i eksplenem se ol direktiv ya oli kam anda long Section 8 blong Public Service Act, we i talem se PSC i mas wok folem ol gavman policy direction.

Ol Key Direktiv We i Kam Long Ofis Blong PM:

🔹 Dressing Code:
PM i mekem klia se ol operation staff olsem long Public Works oli save kontiniu usum ol operesen uniform blong olgeta. Be olgeta long ofis oli mas folem tropical island dressing code long Monday kasem Friday, mo oli mas dress up official taem oli go long ol ofisal kavman miting.

🔹 Travels:
Evri travel blong ol public servant i stap on hold, exsept sapos hemi fully funded mo gat strong justification blong sector we oli representem. Gavman i stopem olgeta overseas training we hemi pem, kasem further notice. Olgeta we oli fully funded trainings oli mas pas tru long PSC Secretary General.

🔹 Retreats:
I no moa alao blong mekem retreat outside long Port Vila. Evri government retreat i mas tekem ples insaed long gavman facilities, olsem PM’s Office Hall, we i bigwan enaf blong akomodetem eni department.

🔹 Lunch Hour:
PSC i talem se evri gavman ofis i mas open long lunch hour. Hemia i minim se ol DG mo Director oli mas mekem shift blong staff blong mekem sua se wok i no stop.

🔹 Fleet Management:
Evri G vehicle we i stap anda long PSC i mas removem dark glass o tinted glass. Ol DG mo Director oli mas mekem sua se oli folem directive ia.

Disciplinary Action Blong Non-Compliance

PSC Chairman i mekem klia se sapos ol direktiv ya oli no folem, bae i nokat narafala choice be disciplinary process bae i trigger espeseli ol directors we oli no managem ol staff mo ol asset blong olgeta folem directions weh hemi stap kam long ofis blong Public service.