Bill blong Price Control bae hemi ko long Extra Ordinari Sitting blong Palemen long March.
Praem Minista, Ishmael Kalsakau i mekem anaonsmen ia taem hemi mit wetem ol pipol blong constituency blong hem long Port Vila.
Praes Control hemi wan samting we Pati blong Praem Minista hemi bin stap tokbaot long taem blong kampen folem plante konsen long pipol.
Pipol i bin stap resemap konsen se praes blong ol ting long stoa mo market hemi hae tumas.
Long sam taem i pas VBTC News hemi bin karem infomesen long depatmen blong Finance se Praes Control Unit hemi no save mekem wok from ino gat wan Law we i givim hem pawa ia.
Mbe long wiken Praem Minista Kalsakau hemi konfemem se loa ia hemi wan long ol fes wan we bae Palemen hemi tokbaot long manis March.
Hemi talem tu se afta long bill ia bae kavman hemi lukluk long minimum wage.
